Un conosido vendedor el ya aresta y ya confisca P171,360 valor del droga ilegal el mga autoridad na provincia del Lanao del Sur, el pulisiya ya anuncia del Martes.
Si Police Colonel Roberto Daculan, el director provincial del pulisiya na Lanao del Sur, ya nombra con el arestao vendedor de droga ilegal como si Mamao Ato Batuwaan.
Asegun con Daculan con Batuwaan ya aresta na un “buy-bust operation” na Barangay Sapingit, Piagapo, Lanao del Sur mga ala 1:25 del Lunes tarde.
Asegun con Daculan ya puede confisca na posesion de Batuwaan 25.2 grams de suspechao shabu que tiene el valor de P171,360, markao sen, y otro pa cosas personal que ta incluwi un cuchillo y Tijeras.
Con el arestao suspechao y mga confisca evidencia ya pone bajo’l custodiya del pulisiya na municipio de Piagapo para el propio disposicion. (B. Garcia) (Photo Courtesy of Lanao del Sur Police Provincial Office)