Alcalde John Dalipe ta hace todo’l esfuerzo na buskada de maga solusyon para con el maga concern del public utility, seguiendo el disuyu recivida del maga top officials del nuevo ZAMCELCO durante el kortesiya visitada de este na City Hall del Lunes aga.
Durante el visitada, el antes Vice-Alcalde Atty. Rommel Agan, newly-appointed Zamcelco Chief Management Officer hunto con el Zamcelco/Crown President Edwin Galvez, Chief Administrative Officer JV Faustino, Board Member Jaydrick Yap, Legal Officer Atty. Liezel Lacastesantos, Chief Human Resource Officer Claudine Enriquez y Chief Finance Officer Helen Mar Ijirani ya discuti el maga esfuerzo del nuevo management para man address el maga issue aserca el power firm.
El Alcalde Dalipe ya promete man address con el maga concerns relatao con el maga public utilities como el power supply specificamente na power outage y power fluctuation entre otro, durante el disuyu primer diya na oficina. (Cristine Falcasantos, photo courtesy of City Government of Zamboanga Facebook page)
