Un negociante y antes oficial de barangay ya muri na un incidente de tiro alla na ciudad de Lamitan na provincia de Basilan.
El pulisiya del ciudad de Lamitan ya nombra con el victim como si Talamon Jemmy, sincuenta’y nueve años el edad, un negociante y antes Kagawad del Barangay Lumuton na mismo ciudad.
Asegun con el pulisiya cay si Jemmy ta maneja le motorsiclo maga alas onse del Huwebes aga de camino para na Barangay Sengal ciudad de Lamitan, para atende un hunta de areglo de huwida que envuelto su subrino.
Pero antes le ya llega na su destinacion, uno del dos personas muntao na un motor que derepente lang ya abuya, ya tira repetidamente (repeatedly) con Jemmy y ya escapa para na direccion del ciudad de Isabela.
Si Jeremy ya rebenta el resuello myentras bajo ele el curada medical na Lamitan District Hospital.
El pulisiya del Lamitan ta continua el investigacion para determina si quein el responsable na matansa de Jeremy. (Bong Garcia, Jr.)