Dos myembros de un familya ya muri y cuatro otro el ya ya na un incidente de atake alla na municipio de Sumisip na provincia de Basilan.
Si Coronel Richard Verceles, el operations chief del Area Police Command-Western Mindanao, ya nombra con el dos fatalidades (fatalities) como canda Majil Taalil, sesenta y si Maldiya Taalil Baakal, treynta’y nueve años el edad.
Con el maga irido ya conose como el siguentes: Ramik Taalil; Al-Ranie Taalil Baakal, deci-seis; Saliha Taalil Baakal, seis años el edad; y, si Ziann Taalil Baakal, un año.
El maga irido victim admitido ahora na hospital.
Asegun con Verceles cay base na investigacion, el maga victim bien durmido na de ila casa cuando beniya maga desconosidos armao personas ya ripika de tiro canila maga ala una media del Huwebes madrogada na Barangay Guiong municipio de Sumisip.
El pulisiya del municipio de Sumisip ta mira con el posibilidad cay el incidente relatao na peleya del familya de maga victim contra con otro familya de Barangay Central Sumisip. (Bong Garcia, Jr.)