Un anak de “Hawksbill” turtuga el bajo ahora na observacion y rehabilitacion na facilidad de incubacion del Zamboanga State College of Marine Sciences and Technology (ZSCMST) aqui na ciudad de Zamboanga.
Con el turtuga ya salva mga fescador ta man lutao y hinde tanto ta menia na canto’y aplaya del Matiti Grande, Barangay Limaong, este ciudad del Septiembre 2.
Con el turtuga ya entrega mga fescador na Departamento de Medio Ambiente y Recursos Naturales (DENR) y Oficina de Veterinaryo del Ciudad.
Enseguidas ya lleva con el turtuga na facilidad del ZSCMST donde con cuwidao ta bisia y ta evalua con este.
El turtuga bajo el atencion medical del mga veterinaryo quien ta ase todo’l esfuerso para el recuperacion y eventualmente ay larga con este na mar.
Asegun con Dr. Mario Arriola, el veterinaryo de ciudad, cay nohay man traga bingit o nylon puera lang na observacion cay tiene duro susio na bariga del turtuga.
Si Arriola ya habla cay regularmente ta dale come y ta observa para asegura cay na buen estado y salud el turtuga.
(B. Garcia) (Photo courtesy of Office of the City Veterinarian)