City College matukod na sa Brgy. Dansolihon ning syudad

0
49

Cagayan de Oro – GISUPORTAHAN sa konseho sa syudad ang pagtukod sa Cagayan de Oro City College dinha sa Barangay Dansolihon.

Sa sesyon niadtong Lunes nga gidumala ni Bise Mayor Bebot Rodriguez, gipalabang ang ordinansa nga naghatag og katungod ni Mayor Klarex Uy pagpirma sa Contract of Usufruct tali sa kagamhanan sa dakbayan ug Higaonon Indigenous Cultural Communities/Indigenous Peoples (Higaonon ICCs/IPs) sa Nahilaran Ancestral Domain ug National Commission for Indigenous Peoples (NCIPs).

Ang lakang naglangkob sa pagtukod sa City College Campus dinha sa lunang gipanag-iyahan sa mga lumad sa Sitio Nahilaran, Dansolihon.

Si Konsehal Suzette Magtajas-Daba, Chairman sa Komite sa Edukasyon ug usa sa nagpaluyo sa gipalabang nga ordinansa, namahayag nga anaa na gyud sa tugkaran sa mga batan-ong nanimuyo sa bukidbukid nga bahin ang tunghaan nga gilaumang hitsas sa pasilidad.

“Wala na gayu’y mapihig sa pagkab-ot sa ilang mga gidamgong kurso sa kolehiyo tungod kay gipalapdan pa sa dakbayan ang programa sa de kalidad nga edukasyon pinaagi sa pagtukod sa City College,” pamahayag ni Daba.

News and photo courtesy of Cagayan de Oro City Information Office

Leave a Reply