Malamposong gipahigayon ang tigum sa Local Price Coordinating Council (LPCC) ning siyudad, buntag, Septembre 6, 2023, sa may alas 9:00 ang takna, didto sa City Mayor’s Office – Conference Room, ilawom sa pagpanguna ni City Mayor Darel Dexter T. Uy, isip chairman, uban sa pipila ka mga lokal ug nasudnong buhatan nga miyembro sa LPCC.
Sa maong tigum, gituki ang mga importanteng hilisgotanan may kalabot sa pagpatuman karon sa Orden Ehekutibo No. 39, nga giluwatan sa buhatan ni Pangulong Bongbong Marcos, nga sugod nga mi-epekto Septembre 5, isip tubag ngadto sa kalit nga pagsulbong sa presyo sa bugas humay dinhi sa nasud.
Mihatag sa updates ug pagpasabot ngadto sa miyembrong mga ahensiya ang DTI ug Department of Agriculture, kalabot na sa kasamtangang sitwasyon karon kabahin ning mitumaw nga isyu, alang sa kasayuran sa tanan, uban sa paghisgot sa mga maayong lakang kabahin sa pagpatuman sa nahisgotang EO.
(Source: Dipolog City Government Facebook Page)
