31.1 C
Manila
Wednesday, February 21, 2024

Zamboanga: ‘Ameer’ del Dawlah Islamiyah na Pilipinas ya muri na tirahan

- Advertisement -

Onse militantes, incluido el secretamente proclamao “Ameer” del Dawlah Islamiyah aqui na Pilipinas, el ya muri na un tirahan contra mga tropa del govierno na Maguindanao del Sur.

Si Tiniente Lieutenant General William Gonzalez, el comandante del Western Mindanao Command (Westmincom), ya habla el tirahan ya socede na tierras del interior del Barangay Mother Tuayan na municipio del Datu Hoffer Ampatuan, Maguindanao del Sur mga ala 1 del Viernes tarde.

Si Gonzales ya habla cay el tirahan que ya alcansa por tres horas ya socede cuando el tropa del 601st Infantry Brigade y 1st Brigade Combat Team ya conduci ofensiva despues que ya recivi sila informacion sobre el presencia del mga terorista de alto valor ta consolida del ila grupo na Barangay Mother Tuayan.

Asegun con Gonzales, el ofensiva ya resulta na muerte del 11 militantes, incluido si Abdullah Sapal, el nuevo proclamao Ameer del Dawlah Islamiya aqui na Pilipinas.

Si Gonzales ya habla cay mga soldao ya confirma tamen el muerte del Ameer del mga Dawlah Islamiya base na provincia del Maguindanao.

Asegun con Gonzales, el mga soldao ya recubri tamen 10 armas de fuego de alta calibre, otro materiales de guerra, y documentos subersivo na lugar del tirahan.

Si Gonzales ya habla el muerte del nuevo Ameer es un grande efecto na existencia del Dawlah Islamiya aqui na pais. (B. Garcia, photo courtesy of Westmincom PIO)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -