Si Tiniente General William Gonzales, el comandante del Western Mindanao Command (Westmincom), ya comenda con mga oficiales, personajes, y recursos humanos civiles del Naval Forces Western Mindanao (NFWM) por el de ila contribucion na en general acomplisimiento del Westmincom.
Si Gonzales ya hace el comendacion durante su visitada na Naval Station Romulo Espladon que ta sirvi como el quartel del NFWM aqui na ciudad del Viernes.
Si Gonzales ya enfatiza tamen el rol crucial del navy y tropa marino na sustenida de paz y istabilidad aqui na Oeste Mindanao, particularmente ng mga provincias insulares y dominio maritima.
“Todo ustedes ta hace el buen trabajo. Felicidades y mantene el mismo celo meintras ta continua kita adopta el cambio na de aton ambiente de operacion,” si Gonzales ya habla con el mga tropa del NFWM.
“Ta asegura yo con ustedes cay ay suporta yo na de ustedes esfuerzos. Confidente yo cay tiene yo el todo suporta del Team NFWM para na acomplisimiento del mission del Westmincom y del fuersa armada del Pilipinas,” omento de Gonzales.
Durante su visitada, si Rear Admiral Donn Anthony Miraflor, el comandante del NFWM, ya informa con Gonzales sobre el reciente acomplisimiento y actual trabajo del solamente componente de fuersa naval del Westmincom. (B. Garcia, photo courtesy of Westmincom PIO)