El Alcalde Maria Isabelle Climaco-Salazar ya expresa su gratitud con el sector de seguridad por el de ila buen trabajo y dedicasyon para proteje con el ciudad de Zamboanga desde’ mal elementos del sociedad.
Si Salazar ya man hunta con mga lideres del sector de seguridad y ya dale ele certifico de comendasyon con el Zamboanga City Police Office y con mga diferentes precinto de pulisiya local.
Ya dale tamen semehante certifico si Salazar con el Joint Task Force Zamboanga, Marine Battalion Landing Team-11 y 74th Infantry Battalion.
Si Salazar ya habla cay por el buen trabajo y dedicasyon del sector de seguridad nohay ni un incidente de kidnapping, piracy y rebenetada de bomba por ocho anios ya el ya pasa.
Si Salazar ya distribuji saco de aros con el different mando del pulisiya local y military como acto de apresasyon suyu con el sector de seguridad. (Cristine Falcasantos, photo courtesy of City Government of Zamboanga Facebook page)