Mga personajes del pulisiya local ya participa na un actividad de siembrada similia de bakawan del Sabado alla na mangle (mangrove) del Barangay Talon-Talon.
Asegun con Tiniente Abdulgajir Sawadjaan del City Community Affairs and Development Unit (CCADU) cay el siembrada de bakawan parte este del de ila contribucion na celebracion del Arbor Day del Sabado.
El celebracion del Arbor Day amo para saca el suporta y insinia con el publico el importansya del siembrada de palo y si cosa tambien el importansya del pono’y palo na media-ambiente.
El lugar onde sila ya siembra similia de bakawan declarao este como un protejido lugar y propieded del govierno local. (Jennyrose delos Santos, photos courtesy of ZCPO)