El antes director ejecutivo rehyonal del Departmento de Agricultura Oscar Parawan ya recivi certifico de comendasyon desde’l govierno local.
Asegun con el Alcalde Maria Isabelle Climaco-Salazar cay el certifico de comendasyon es un reconosimiento por el suporta y ayuday ya extende si Parawan como un technical consultant del ciudad del Zamboanga.
Asegun con el alcalde cay si Parawan ya sirvi como un technical consultant del ciudad, particularmente para el mejoras na distrito de Ayala, desde’l anio dos mil deci-siete.
El certifico de comendasyon ya dale si Salazar durante el flag ceremony del ayer alli enfrente na City Hall. (Cristine Falcasantos, photo courtesy of City Government of Zamboanga Facebook page)