Un trabajante de construccion el ya iri na un incidente de tiroteo na costa este del ciudad de Zamboanga, asegun con el policia local del Martes.
Asegun con el policia local, el incidente ya ocuri mga alas 8:30 del Martes aga na carretera del Maria Clara Lorenzo Lobregat, Barangay Quiniput, ciudad de Zamboanga.
El policia local ya identifica con el victima como si Fernando Panis, 34 años el edad y un residente del Barangay Panubigan, ciudad de Zamboanga.
Base na inicial investigacion, con Panis ya tira el un desconocido persona quien ta sigi ancas na un motorciclo que ya enderesa para na pueblo despues del incidente.
Con Panis ya tupa el tiro na su pecho y ya lleva conele na hospital para el tratamiento medical.
El policia local ta continua el investigacion para establise el motivo y identifica con el mga suspechao del incidente. (B. Garcia)