El Alcalde John Dalipe ya expresa su gratitud con Tiniente General William Gonzales, el extrovertido commandante del Western Mindanao Command (Westmincom), por su dedicacion na servicio publico que ya asegura el paz y tranquilidad del ciudad de Zamboanga y otros parte del Mindanao.
Si Dalipe ya expresa su gratitud cuando ya hace visitada de salida si Gonzales na oficina del alcalde na city hall del Jueves.
Ya asegura tamen si Dalipe el continuando suporta y ayuda del su administracion con el sector de seguridad para el seguridad y proteccion del mga Zamboangueños.
Na su parte, si Gonzales igualmente ya expresa su gratitud con el gobierno del ciudad bajo’l liderato de Dalipa por el todo’l suporta ya extende con el Westmincom.
Si Gonzales ta descata cay el Westmincom hay sostene con el esfuerzos de seguridad en liña con el mision del Fuerza Armada del Pilipinas.
Si Gonzales ya hace el visitada de salida cay hay retira ya le na servicio na Noviember 23 despues que ya servi na militar por 39 years y 7 meses. (B. Garcia)