Dos personas y 17 casas el ya man uput na un incidente de incendio na Barangay Pasonanca, ciudad de Zamboanga, asegun con el Zamboanga City Fire District (ZCFD) del Jueves.
Asegun con Superintendent Christopher Morales, el jefe del ZCFD, el incendio ya ocuri mga ala 12:34 del Jueves aga na Castro Drive, kilometro 7, Barangay Pasonanca, ciudad de Zamboanga.
Si Morales ya habla, el incendio ya principia na uno del mga afectao casas y derepente ya man calayat para na otro caserias.
Asegun con Morales, el incendio ya alcansa na Segundo alarma y ya contene mga ala 1:11 del aga y ya puede completamente apaga el mga bombero mga alas 3:14 del aga.
Si Morales nohay mas nombra conel dos personas ya iri de quien mga casa ya man uput tamen na incendio.
Asegun con Morales, el estimao destroso de propiedad ya alcansa na cantidad de P1.2 millones.
Asegun con Morales, ta esta pa bajo el investigacion si cosa el causa del incendio. (B. Garcia)