El 11th Infantry Division (11ID) ya inicia cambio na oficina de operaciones civiles militares, o CMO, que es el en cargao para maxima el suporta civil na operaciones militar.
Asegun con el 11ID, con Tiniente Coronel Luisita Clavecillas ya instola como el nuevo jefe del CMO quien ya releva con Tiniente Coronel Rolando Granados.
Si Major General Leonardo Peña, el comandante del 11ID, ya encabesa con el ceremonia del cambio del jefe de oficina del Martes que ya hace na quartel del mando na Campo Teodulfo Bautista, Barangay Busbus, Jolo, Sulu.
Si Granados ya expresa su profundo gratitud con mga personajes del CMO por el de ila suporta conele durante su termino como el jefe del oficina.
Si Clavecillas ya habla cay con todo honor tamen ele por el confiansa y confidencia ya dale conele el liderato del 11ID para encabesa con el oficina del CMO.
Si Peña ya alaba con Granados por su exemplario servicio y liderato enfatizando el importancia del CMO na region.
Ya desafia tamen si Peña con Clavecillas para construi desde’l fundacion ya establisa si predecesor. (B. Garcia)