Ochenta mga Former Violent Extremists (FVEs) el ya recivi mga herrmientas y semilias de agricultura que ya distribui el 32nd Infantry Battalion (32IB), en colaboracion con el Rotary Club del Basilan y gobierno local del Sumisip y Maluso, Basilan.
Asegun con el 101st Infantry Brigade (101Bde), el distribucion del herramientas y semilias de agricultura es parte del continuando suporta para el reintegracion del mga FVEs na sociedad.
Asegun con el 101Bde, el distribucion ya hace del Sabado na cuartel del 32IB na Barangay Tumahubong, Sumisip, Basilan.
“Este iniciativa tiene el objetivo equipa con el mga FVEs con sostenible oportunidades de busca lavida, promova autosuficiencia por medio de agricultura, y reinforza de ila transicion para na sociedad dominante,” el 101Bde ya habla na un anuncio.
El 80 recipiente FVEs ta mira con el mga herramienta y semilia de agricultura como mga recursos esencial para el reconstruccion del de ila vida.
El mga beneficiaries ya expresa de ila apreciacion reconociendo con el iniciativa como un paso vital para na autosuficiencia y estabilidad economico. (B. Garcia)