Un bien “wanted” persona na entero pais con premio de P130,000 el ya aresta mga autoridad na operacion del aplicacion de ley aqui na ciudad, asegun con el policia local del Miercoles.
Asegun con el policia local con el arestao wanted persona ya conose como si Roberto Macapas, 74 años el edad y residente de Barangay Buenavista, en este ciudad.
Asegun con el policia, con Macapas ya aresta mga personajes de 2nd Zamboanga City Mobile Force Company y Zamboanga City Jail Intelligence Unit mga alas 9:29 del Martes aga na Barangay Canelar.
El policia cay el Department of Interior and Local Government ta ofrese el premio de P130,000 para el aresto de Macapas, quien listao como uno del mga bien wanted persona na entero pais.
Asegun con el policia, si Macapas tiene pendiente orden de aresto por el crimen de rapto sin recomendao piansa que ya dale el un tribunal del ciudad de Zamboanga del Agosto 18, 2015. (B. Garcia) (Photo Courtesy of 2nd Zamboanga City Mobile Force Company)
