Aproximadamente 600 residentes ya beneficia con el programa de extension medica que ya conduci el 18th Infantry Battalion (18IB), en cooperacion con el Remote Area Medical (RAM) Philippines na Basilan.
Asegun con el 18IB, el programa ya conduci del Domingo na municipio de Tuburan, Basilan, y tiene el tema “Peace in Action” Together for Health and Harmony in Basilan”.
Asegun con el 18IB, diferentes clase de servicio el ya rendi durante el programa que ta inclui libre consultacion medical para con mga adulto, checkiada de diente y ojos, procedimientos de minor surgery y otros pa.
Asegun con el 18IB, tiene tamen un grupo de personajes de salud el ya concentra rendi servicio medical con mga bata durante el programa de extension medica.
“En general, el evento tiene el objetivo mejora con el salud del comunidad y bienestar por medio del accessible servicios medical,” el 18IB ya habla.
Mientras tanto, si Tiniente Coronel Mark Serapion Laud, Jr., el comandante del 18IB, ya reconoce con el contribuciones del mga residentes y gobierno municipal de Tuburan y tamen con el comunidades del MILF y MNLF por el de ila esfuerzos na mantencion de paz y seguridad na provincia. (B. Garcia)