El mga oficiales del Departamento de Agricultura (DA) ya visita del Lunes na quartel del 53rd Infantry Battalion (53IB) para mejora de ila asociacion con el comunidad local y promova mga importante iniciativas para mejora el desarollo provincial.
Asegun con el 53IB, el Goat Dispersal Program y Agricultural Sightseeing Project amo el dos primaria iniciativas que ya descuti durante el visitada.
El dos programa diseñao para suporta sostenable sostento y anima agroturismo.
Asegun con el 53IB, el mga oficiales desde’l National Dairy Authority (NDA) ya enfatiza el significancia del Goat Dispersal Program en mejorar seguridad alimentaria and promova largo tiempo de oportunidades de ingresos para con mga antes rebelde quien ya rendi na mencionao batallon.
El mga representantes del NDA, ya explica si quemodo el programa puede beneficia con mga siembradores local por medio de mejorar el production de ganadera, un componente critical para el sostenebilidad del agricultura na provincia.
Ademas, ya descuti tamen sila el potencial del Agricultural Sightseeing Project para promova agroturismo, notando si quemodo este iniciativa puede dale mira el practicas agricola local, atrae visita, y reforza con el economia local.
El liderato del 53IB ya expresa todo suporta con el iniciativas, reconociendo el valor del comunidades local, particularmente empoderar los agricultores y formenta crecimiento economico. (B. Garcia)