Patay diha-diha dayon ang usa ka menor de edad nga lalaki nga nagmaniho sa motorsiklo human nadasmag sa dump truck.
Ang aksidenti nahitabo pasado alas 9:00 kagabii, Nobiyembre 18, 2024, didto sa Sitio Inamoan, barangay Pangdan, Dakbayan sa Naga, Sugbo.
Ang biktima giila sa Naga City Police Station na mao si Jessie Dale Abadiez, 17- anyos ang panuigon, tags Purok Lagundi, Barangay Lutac, sa mao ra nga Siyudad.
Naila usab ang nagmaniho sa dump truck na mao si Larry Jone Balabad, 25-anyos, taga Center Lutopan, Dakbayan sa Toledo.
Sa imbestigasyon sa kapulisan nasayran nga nagbiyahi sa managlahing direksiyon ang duha ka sakyanan nga matod pa nawad-an sa kontrol ang motor nga gimaniho ni Abadiez nga ni resulta nga napasok kini sa dump truck og namatay.
Sa pagkakaron gitanggong ang drayber nga siBalabad samtang gihuwat ang panag sabot-sabot sa duha ka habig. (Renante Socia Lada)Â