25.7 C
Manila
Sunday, February 25, 2024

Zamboanga: Policia ya aresta 1 ‘SLI’ na campaña contra droga

- Advertisement -

Un “street level individual (SLI)” suspechao el ya aresta el mga autoridad na un campaña contra droga ilegal aqui na ciudad, asegun con el policia local del Lunes.

El policia local ya nombra con el arestao SLI suspechao como si Criston De Leon, 25, un obrero y residente del Barangay Culianan, en este ciudad.

Asegun con el policia, con el suspechao ya aresta mga alas 9 del Domingo denoche na canto’y aplaya na Barangay Baliwasan, en este ciudad.

El policia ya habla ya puede confisca na posesion de Leon sinco gramos de suspechao shabu que tiene el valor de P34,000, markao P200, un pakete de plastic y P100.

Con el suspechao ya detene na Zamboanga City Police Station 11 en preparacion para el plantada del asunto contra conele por violation del Comprehensive Dangerous Drugs Act of 2002. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -