El gobierno local y Departamento de Educacion (DepEd) ta acelera el preparacion para el evento del “Zamboanga Peninsula Regional Athletic Association (ZPRAA) Meet” este año.
El evento del ZPRAA esperansao conduci desde Abril 21 hasta 27 aqui na ciudad de Zamboanga.
El comitiba organizando que ta encabesa el Alcalde John Dalipe y si Dr. Maharani Jacinto, el superintendente del escuelas del ciudad, regularmente ta conduci coordinao junta para asegura cay preparao ya todo para el juego regional.
Si Dalipe ya diriji con todo el sub-comitiba del ZPRAA para ase el de ila todo esfuerzo que ay garantiza el buen exito del evento que ay conduci aqui na ciudad despues de 18 años.
Ocho delegaciones desde region del Occidental Mindanao con mga atletas estaba ng mga escuelas publico de elementaria y segundaria ay participa na ZPRAA.
El conducida del ZPRAA amo el calificado actividad de desportes para na juego nacional o el Palarong Pambansa. (B. Garcia)