Sinco mga antes rebelde New People’s Army (NPA) desde’l un municipio na Zamboanga del Sur el ya completa del Viernes, na como se llama Friends Rescued Transformation and Deradicalization Program que ya facilita el 53rd Infantry Battalion (53IB).
El 53IB ya habla el mga antes rebelde NPA, que ahora ta llama Friends Rescued, amo mga residentes del municipio de Bayog, Zamboanga del Sur.
El 53IB ya habla, el gobierno municipal del Bayog, en asociacion con un civilian partes interesadas ya proporciona suporta con el sinco Friends Rescued cuando ya completa sila con el programa.
El sinco Friends Rescued ya recivi regalo de dinero, enpaquetao comida, y kits de hygiene durante el un simple ceremonia de complecion que ya hace na municipal hall del Bayog.
Asegun con el 53IB, el ceremonia ya inclui tamen un simple pero mensaje inspirador de istimulacion y suporta para el reintegracion del sinco Friends Rescued para na sociedad.
“Este iniciativa ta demostra el dedicacion del gobierno municipal del Bayog para suporta con el exitoso reintegracion y rehabilitacion del mga individuales quien ya esta bajo el programa de deradicalizacion,” el 53IB ua habla na un anuncio. (B. Garcia)