El 101st Infantry Brigade (101Bde) ya conduci un ceremonia de distribucion de regalo del Viernes para con mga milicianos na cuartel del brigada na Campo Luis Biel II, Barangay Tabiawan, ciudad de Isabela, Basilan.
Asegun con Brigadier General Alvin Luzon, el comandante del 101Bde, quien ya encabesa con el distribucion de regalo, el actividad es en reconocimiento con el invaluable contribuciones del mga milicianos na esfuerzos de renovacion adentro del Campo Biel.
Asegun con Luzon, el mga milicianos instrumental para garantiza el exitoso complecion de varias proyectos de mejoramientos dentro del campo, reflejando de ila inquebrantable dedicacion na mission y vision del brigada.
Durante el evento, si Luzon ya expresa profundo gratitud por el de ila buen trabajo y dedicacion, enfatizando el importancia del trabajo de grupo y proposito compartido na formentada de un fuerte y mas unido comunidad.
Asegun con Luzon, el iniciativa hinde lang ta descata el apreciacion del brigada con mga milicianos, pero ta reinforsa tamen el camaraderia y mutual suporta que ta sustene el dedicacion del mando na servicio y desarollo. (B. Garcia)