Saturday, May 18, 2024

Zamboanga: 5 Abu Sayyaf ya rendi na Basilan

- Advertisement -

Sinco miembros del grupo Abu Sayyaf el ya rendi con el fuerza militar na provincia de Basilan, asegun con el 101st Infantry Brigade del Domingo.

Asegun con el 101st Infantry Brigade, el sinco miembros del grupo Abu Sayyaf ya rendi con mga tropa del 64th Infantry Battalion (IB) base na Barangay Tumahubong, Sumisip, Basilan del Jueves.

Asegun con el 101st Infantry Brigade, el sinco rendidores compuesto de tres hombre y dos mujeres.

Si Tiniente Coronel Abel Potutan, el comandante del 64IB ya presenta con el sinco rendidores Abu Sayyaf con Brigadier General Alvin Luzon, comandante del 101st Infantry Brigade durante un simple ceremonia ns su quartel na Barangay Tumahubong del Jueves.

El sinco rendidores ya entrega sinco armas de fuego de alta calibre compuesto de un rifle Armalite, un rifle M-14, dos rifles Garand, y un M-79.

Si Luzon ya con todo corazon ya recivi con el mga rendidores y ya comenda con el mga tropa del 64IB por facilitar el rendida y ya abre camino para obtene paz y desarollo na provincia.

Ya atribui tamen si Luzon con el exitoso rendida del sinco personalidad del Abu Sayyaf na esfuerzo colaborativa y incansable suporta del gobierno local na Basilan y del mga Basileños. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -