El mga personajes del policia ya puede aresta con un individual listao como un personas mas buscada na un operacion de buscada na provincia del Maguindanao, asegun con el Police Regional Office-Bangsamoro Autonomous Region (PRO-BAR) del Domingo.
El PRO-BAR nohay mas nombra con el arestao individual puera lang de habla’r con el persona mas buscada ya aresta mga alas 9:20 del Sabado denoche na Sitio Bahar, Barangay Pandan, South Upi, Maguindanao del Sur.
Asegun con el PRO-BAR, el arestao individual listao como el numero uno persona mas buscada na municipio de South Upi.
Asegun con el policia, el suspechao tiene pendiente orden de aresto de abuso carnal sin piansa en relacion con el ley que ta dale especial proteccion con mga bata contra abuso, exploitacion y acto de discriminacion que ya dale el un corte na ciudad de Cotabato del Marso 25, 2024.
Con el arestao suspechao ya pone bajo’l temporario custodia del policia na Sur Upi antes que ay entrega conele na concierne corte para el propio disposicion. (B. Garcia)