Balhog karon sa prisuhan ang usa ka High Value Individual nga babaye human nakuhaan og kapin sa P1 million nga balor sa shabu.
Ang buy-bust operation gipahigayon didto sa Sitio Sudluon, Barangay Maguikay, dakbayan sa Mandaue, pasado alas 9:30 kagabii, Abril 6, 2024.
Giila sa MCPO ang suspetsado nga mao si Ingrid Lopez Gabutan AKA “Ing-Ing, 43 anyos ang panuigon, taga Barangay Cogon Pardo, siyudad sa Sugbo.
Nakuha sa iyang position ang mga binultong shabu nga adunay timbang nga 150 gramos ug standard drug value nga P1,020,000.
Sa inbestigasyon nga gihimo sa MCPO pinaagi ni PLCOL. Mercy Villaro, MCPO PIO, nga si Gabutan adunay uyab nga na priso sa Bilibid Prison diin siya ang tigdawat sa itagak nga mga ginadiling drugas.
Ang mga dakbayan sa Sugbo, Mandaue ug mga silinganan lugar mao ang area sa distribution sa dinakpan.
Sa dakbayan sa Sugbo si alyas “Budlat” mao ang iyang top distributor nga ang pagbayad ipaagi sa Gcash.
Matod ni Villaro nga ang pagkasikop ni Gabutan nakatabang sa pagpaminos sa supply sa ginadiling drugas sa siyudad sa Mandaue.
Sa pagkakaron giandam na ang tukmang kaso batok sa suspetsado isip kalapasan sa RA 9165. (Renante Socia Lada)
(Source: MCPO)
