El Philippine Army ya inicia cambio na liderato del 45th Infantry Battalion (45IB) base na municipio del Ungkaya Pukan, Basilan, asegun con el militar del Martes.
Asegun con el 4th Civil Relations Group (4CRG), con Tiniente Coronel Franco Baylon ya instola como el nuevo comandante del 45IB durante el ceremonia del cambio del mando del Sabado na quartel del batallon na Barangay Bohe Pahu, Ungkaya Pukan.
Asegun con el 4CRG, si Baylon ya releva con Tiniente Coronel Michael Colanta, con quien esperansao designa na otro posicion.
El 4CRG ya habla, si Major General Leonardo Peña, el comandante del 11th Infantry Division y Joint Task Force (JTF)-Orion, amo el ya administra con el ceremonia del cambio del mando.
Si Peña ya alaba con Colanta por su firme servicio y invaluable contribuciones con el 11ID, en particular, y con el Philippine Army, en general.
Si Peña ya expresa su profundo gratitud con Colanta por su exemplario liderato, y ya dale importancia con el positivo impacto ya hace le durante su tenencia como el comandante del batallon.
Si Peña ya expresa confidencia na habilidad de Baylon para guia con el batallon para na mas grande accomplicimiento.
Presente durante el ceremonia del cambio del mando otro mga alto funccionarios del militar y gobierno civiles. (B. Garcia)