Un conocido vendedor de droga ilegal el ya aresta y P136,000 valor de suspechao shabu el ya confisca el mga autoridad na un campaña contra droga na provincia del Lanao del Sur, asegun con el policia del Martes.
Si Police Colonel Robert Daculan, el director del policia na provincia del Lanao del Sur, ya nombra con el arestao suspechao como si alias Mahid, 28 años el edad.
Asegun con Daculan, con Mahid ya aresta na un operacion de compra busto mga alas 4 del Domingo tarde na Barangay Cadayunan II, ciudad de Marawi, Lanao del Sur.
Si Daculan ya habla, ya confisca na posesion de Mahid mas or menos 20 gramos de suspechao shabu enpaquetao na cuatro termosellada transparente sobrecitos plastico que tiene el valor de P136,000, un motorciclo, y diner de compra busto.
Si Daculan ya habla, con Mahid y el mga confiscao evidencia ya entrega na custodia del policia na ciudad de Marawi en preparacion para el plantada del caso contra conele por violacion del Ley Integral de Drogas Peligrosas de 2002. (B. Garcia)