- Advertisement -
Total de 3,271 mga “senior citizens” el ya recivi ayuda financial de P1,000 cada uno desde con el govierno local.
El ayuda financial ya distribui del Martes na Mayor Vitaliano Agan Coliseum na Barangay Tetuan que ya encabesa el Alcalde John Dalipe.
Asegun con Dalipe el ayuda financial ta forma parte del “Social Amelioration Program” para del mga vivientes de edad del ciudad que ya inicia su administracion.
Aquellos quien ya recivi ayuda financial de P1,000 cada uno amo mga senior citizens del cuatro barangay que ta inclui el Talon-Talon, Tetuan, Tugbungan, y Mampang.
Alegre el mga beneficiarios del programa hablando un grande ayuda el P1,000 para compra sila de ila mga necesidades.
(B. Garcia)
(Photo courtesy of John Dalipe FB Page)
- Advertisement -
