Un intocable (untouchable) vendedor de droga el ya aresta mga autoridad na un campaña contra droga ilegal na provincia del Zamboanga Sibugay, el Philippine Drug Enforcement Agency (PDEA) ya anuncia del Miercoles.
Si Jury Rocamora, el hefe del PDEA na Zamboanga Sibugay, ya nombra con el arestao suspechao como si Reuel Cabaylo, quien asegun un intocable na vendida de droga ilegal.
Asegun con Rocamora, con Cabaylo ya aresta na un “buy-bust operation” mga alas 2:27 del Martes tarde na Barangay Poblacion, Imelda, Zamboanga Sibugay.
Asegun con Rocamora, ya puede recubri na posesion de Cabaylo dos gramos de suspechao que tiene el valor de P13,600, 13 pedaso de “boodle money” que ya usa na buy-bust operation, un celpon, y otros pa.
Si Rocamora ya habla cay ay planta sila formal asunto contra con Cabaylo por violacion del Seccion 5, Articulo 2 de Republic Act 9165 o mas conosido el Comprehensive Dangerous Drugs Act of 2002.
Con el suspechao ya aresta el mga agente del PDEA con el suporta del policia del Imelda, 1st Police Mobile Force Company y 44th Infantry Battalion.
(B. Garcia)
(Photo courtesy of PDEA- Zamboanga Sibugay)
