El mga candidato para na eleccion de barangay y sangguniang kabataan na municipio de Sumisip provincia del Basilan ya promete para ayuda tene pacifico eleccion por medio de firmada de un pacto de paz (peace covenant).
Asegun con el 101st Infantry Brigade el firmada del pacto de paz ya ase na gymnasium na Barangay Buli-Buli municipio de Sumisip.
Si Ajid Annawie, el oficial electoral del Sumisip, amo ya le con el “local election integrity pledge” na presencia del todo mga candidato y ya sigi despues el firmada del pacto de paz.
El Sumisip que ta composita de 29 barrio, es un primera clase de municipio na provincia de Basilan.
El Alcalde de Sumisip Jud-Adnan Hataman ya comenda con el esfuerso del Comelec, militar, policia, y govierno provincial que ya inicia con el actividad para tene pacifico eleccion del mga oficiales de barrio y sector de los jovenes.
(B. Garcia)
(Photo Courtesy of 101st Infantry Brigade)
