Tres pulis el ya iri na un atake del mga terorista Dawlah Islamiya na provincia del Maguindanao del Sur, asegun con el pulisiya del Martes.
Asegun con el pulisiya na rehyon otonomo cay el atake ya ocuri na un “detachment” del mga pulis na municipio del Datu Salibo na provincia del Maguindanao del Sur del Lunes.
Nohay nombra el pulisiya na rehyon otonomo con el tres irido pulis puera hablando lang cay mga personajes sila del Regional Mobile Force Battalion-14.
Base na investigacion, el tres pulis ta guardia na detachment cuando ya ataka canila mga terorista Dawlah Islmiya.
El pulisiya ya habla cay el mga terorista quien ya ataka con el detachment del pulis amo mga siguidores de Comander Yusa Ganoy del faccion de Hassan del grupo Dawlah Islmiya.
El Police Regional Office-Bangsamoro Autonomous Region (PRO-BAR) ya condena con el hostilidad que ya ase el grupo de Dawlah Islamiya.
Si Police Brigadier General Allan Nobleza, el director del PRO-BAR, ya habla cay ay usa sila todo recursos del mando para busca con el mga echor de atake.
Asegun con Nobleza cay el mga personajes del pulisiya ta ase lang de ila trabajo para el mantencion de paz y orden na municipio de Datu Salibo. (B. Garcia, photo courtesy of PRO-BAR)