Un persona el ya aresta myentras valor de P54,400 droga prohibido el ya confisca mga otoridad na un campanya contra droga ilegal na provincia del Zamboanga Sibugay.
El mando rehyonal del pulisiya ya nombra con el arestao suspechao como si Allan Tugonon, 23 años el edad y residente de Purok Marang, Barangay Tenan, Ipil, Zamboanga Sibugay.
Asegun con el pulisiya con Tugonon ya aresta na un “buy-bust operation” maga alas 5:20 del Lunes tarde na Purok Santan 1, Barangay Gituan, Ipil.
Asegun con el pulisiya cay durante el aresto de Tugonon, ya puede recubri na su posesion ocho gramos de suspechao shabu con el valor de P54,400, siete pedaso de P1,000 “boodle money” que ya pone insima un verdadero P500 markao sen.
Con Tugonon ya aresta el combinao personajes del Zamboanga Sibugay Drug Enforcement Unit-9 y del Ipil police station.
Con Tugonon ya detene myentras ta prepara ya el mga documentos para el plantada de asunto encontra conele na jusgado. (B. Garcia)