Tres miembros del Dawlah Islamiya-Hassan Group (DI-HG) el ya rendi con mga autoridad na provincia del Norte Cotabato, asegun con el militar del Viernes.
El 90th Infantry Battalion (90IB) ya identifica con el tres DI-HG rendidores como canda alias Marco, alias Midnight, y si alias DTR.
Asegun con el 90IB, el tres miembros del DI-HG ya rendi del Miercoles na municipio del Carmen, Norte Cotabato.
El 90IB ya habla, el tres rendidores ya entrega dos rifle M-14 y un rifle Carbine para dale mira cay con todo’l sinceridad sila ya rendi.
Asegun con el 90IB, el rason si porque ya decidi rendi el tres miembros del DI-HG amo cay ta desea sila tene paz, y vivi un buen y nuevo vida hunto con el de ila cada’y cual familiares.
El gobierno del municipio del Carmen ya dale un saco de 25 kilos arroz cada uno de ila como inicial ayuda.
Ya promete el gobierno del municipio del Carmen cay hay dale canila ayuda de busca lavida como suporta na de ila deseo para tene un buen y nuevo vida. (B. Garcia)