Tres personas, incluwido dos ventero de comida, el ya aresta maga personajes del 2nd Zamboanga City Mobile Force Company (2ZCMFC) aqui na ciudad por el posesion de droga ilegal.
Si Tiniente Coronel Reynald AriƱo, el comandante del 2ZCMFC, ya nombra con el maga arestao personas como canda Medel Tambong Sumacay y si Marlon Dandioan Gutalan, ambos veinte dos aƱos el edad y maga ventero de comida y el de ila compaƱero si Arwin Sumugu Limud, veinte aƱos el edad.
Asegun con AriƱo cay canila tres ya aresta na un checkpoint del Domingo na Barangay San Jose-Cawa-Cawa en este ciudad.
Asegun con AriƱo ya confisca na posesion de ila tres un gramo de suspechao shabu que tiene el valor de seis mil ocho sientos pesos y un motorsiclo.
El maga arestao suspechao detenido y ay enfrenta sila el asunto por violacion del Comprehensive Dangerous Drugs Act of 2002.
(B. Garcia)