Zamboanga: 3 arestao, P3.2 millon contrabando ya confisca

0
2
photo courtesy of PRO-9

Tres personas el ya aresta y P3.2 millon cantidad de contrabando el ya confisca mga autoridad na dos separao campaña contra smuggling na Zamboanga Peninsula, asegun con el policia del Sabado.

Asegun con el Police Regional Office-9 (PRO-9), el P2.2 millon del P3.2 million contrabando que ta consisti de 39 cajon y 45 rims de cigarillo el ya confisca mga alas 9:29 del Jueves aga na Sitio Caragasan, Barangay Maasin, ciudad de Zamboanga.

Nohay con quien ya aresta siendo el mga contrabando ya déjà na un desocupado casa y nohay ni un hente el presente cuando ya llega mga personajes del policia y Buro de Aduana.

Asegun con el policia, tres personas el ya aresta na otro operacion contra contrabando mga alas 2:30 del Jueve tarde na Mercado publico del Agora na Barangay Santa Lucia, ciudad de Pagadian, Zamboanga del Sur.

Nohay mas nombra el policia con el tres arestao personas quien ta consisti un 29 años hombre y dos mujeres que tiene el edad de 28 y 50.

Asegun con el policia, con el tres arestao personas y el mga confiscao cigarillos ya entrega na custodia del Buro de Aduana para en propio disposicion. (B. Garcia)

Leave a Reply