Cagayan de Oro – SIKOP sa operatiba sa Criminal Investigation and Detection Group (CIDG) ang usa ka guwardiya atol sa gihimong Oplan Paglalansag sa Barangay Canitoan ning ciudad bag-ohay lamang.
Suspetsadong dinakpan mao si Darwin Patagoc, 59-anyos, lumad nga molupyo sa Pitogo, Zamboanga Del Sur ug kasamtangang nanimuyo sa Iponan ning ciudad.
Base sa report sa otoridad nga gi-operasyonan sa CIDG Camiguin, Misamis Oriental inubanan sa kapulisan sa Bulua ang suspetsado ug positibong nakuhaan sa usa ka unit sa shotgun; usa ka 9mm cal. pistol; usa ka hand grenade; usa ka unit sa magazine sa shotgun; lima ka live ammunition for 12GA shotgun; usa ka magazine sa 9mm pistol; usa ka 1,000 peso bill; 20 ka boodle money; usa ka sling bag; usa ka guitar bag; usa ka inside holster color black; usa ka android phone.
Sa pagkakaron tingkagol na kini sa CIDG ang suspek ug gihan-ay na ang kasong pagpanglapas sa sa RA 10591 Comprehensive Firearms and Ammunition Regulation Act” ug RA 9516 Unlawful Manufacture, Sales, Acquisition, Disposition, Importation or Possession of an Explosive or Incendiary Device.
News and photo courtesy of CIO CDO