Total de 2,400 palo de monte el ya siembra na un actividad de siembrada de pono’y palo na Pasonanca Natural Park, aqui na ciudad de Zamboanga.
Con el actividad que ya conduci del Sabado na Sitio Muruk del Pasonanca Natural Park ya encabesa el Alcalde John Dalipe y el oficina del Congresista Jose Manuel Dalipe del segundo distrito.
Asegun con Engineer Rey Gonzales, el hefe del Office of the City Environment and Natural Resources (OCENR), cay na total de 2,400 palo ya siembra, 900 el narra, 800 palo maria y 700 palo de nato.
Con el mga pono’y palo ya siembra na un tereno que tiene al anchor de dos hectaryas.
Asegun con Gonzales cay serca 600 representatntes del diferente agencias nacional, govierno local y privado grupo el ya participa na actividad.
El actividad parte del advocacya de Dalipe para siembra un milyon de pono’y palo durante su primer turno como el alcalde del ciudad.
Ya rindi gracias si Dalipe con el mga participantes del siembrada de pono’y palo y con el de ila esfuerso para proteje y preserva con el programa na ciudad. (B. Garcia, photo courtesy of OCENR-Zamboanga City)