El Department of Public Works and Highways (DPWH) ya completa ya cementa con el 6.6 kilomotros camino na un minucipio na provincia del Zamboanga Sibugay.
Si Engineer Cayamombao Dia, el director rehyonal del DPWH, ya anuncia del Domingo cay el mga siembrador de goma y coco del municipio del Diplahan, Zamboanga Sibugay ya beneficia mucho con el completada del cementada del camino.
El sementada del 6.6 kilometros camino dese Barangay Kauswagan para na Barangay Gaulan ay beneficia tamen mucho mga vivientes del dos barrio.
Asegun con Dia el nuevo cementao camino ya menora con el hora de viaje para na 15 minutos y ay facilita tamen con el de lijero transportada del mga productos agricultural para na mercao publico.
Con el proyecto que tiene el valor de P75 milyones ya implementa el primer distrito del enginieriya del DPWH na provincia del Zamboanga Sibugay. (B. Garcia, photo courtesy of DPWH-9)