El 21st Infantry Battalion (21IB) ya distribui mga libro na uno del mga escuelas publicas na provincia del Sulu, asegun con el militar del Sabado.
Asegun con el 4th Civil Relations Group (4CRG), el recipientes del donacion de libro amo mga estudiantes del escuela secundaria nacional del Panamao na Barangay Lower Patibulan, Panamao, Sulu.
Asegun con el 4CRG, el distribucion del mga libro ya conduci del Jueves el mga soldao del 21IB que ta encabesa si Tiniente Coronel Homer Estolas.
El 4CRG ya habla, con el distribucion del mga libro ya atende canda First Lieutenant Randy Carido, el comandante del compania charlie; si Second Lieutenant Irish Antionette Borromeo, el oficial del operacion civil militar; y si Euardo Doloso, el director de escuela.
Presente tamen el mga otro personajes, maestros y maestros y mga estudiantes del escuela secundaria nacional del Panamao durante el distribucion del mga libro.
“Este iniciativo tiene el objetivo para promove literacia y exelencia academico, proporcionando con el mga estudiantes el acceso na recursos educativos de calidad,” el 21IB ya habla na un declaracion. (B. Garcia)