Dos personas listao como mga High-Value Individual (HVI) suspechao el ya aresta mga otoridad na un campanya contra droga ilegal na provincia de Sulu.
Si Tiñente Coronel Annidul Sali, el hefe del pulisiya na Jolo, Sulu, ya nombra lang con el dos arestao suspechao como un tal Win y un tal Ubs, ambos mga myembros del Barangay Peacekeeping Action Team (BPAT).
Asegun con Sali cay con el dos suspechao ya aresta na un “buy-bust operation” mga alas 12:15 del Martes madrogada na Barangay Tulay, Jolo.
Asegun con Sali cay ya puede confisca na posesion del dos arestao suspechao un calibre .45 pistola con mga bala, suspechao shabu, y markao sen.
Si Sali ya habla cay detenido ahora el mga suspechao en preparacion para el plantada del asunto encontra canila por violacion del Comprehensive Dangerous Drugs Act of 2002.
(B. Garcia, photo courtesy of Jolo Police Station)