El Oficina del Medio Ambiente y Rescursos Naturales de la Comunidad (CENRO) del Municipio del Manukan, Zamboanga del Norte, ya conduci campanya de informacion, educacion y comunicacion con el escujiho interesao sector sobre el Cueva Armalita (Armalite Cave).
Asegun con el oficina rehyonal del Departamento de Medio Ambiente y Recursos Naturales (DENR) cay el actividad ya conduci del otro semana na “covered court” del Barangay Lipay, Jose Dalman, Zamboanga del Norte.
Asegun con el DENR cay diferente temas (topics) el ya descuti durante el actividad, incluwido el importancia del mga cueva na ecosistema, el significancia para proteje y conserva cueva, y leyes y reglamentos relatao na mantencion de un cueva.
El DENR ya dale tamen oportunidad con el mga escujido participantes del actividad para visita con el Cueva Armalita na Barangay Lipay, Jose Dalman.
Ya acompania canila el mga personajes del CENRO-Manukan, quien ya dale informacion sobre el formacion geologica del cueva, biodiversidad y amenaso.
Asegun con el DENR cay el actividad entendido para insinia con el mga residents el importancia de preservar con el cueva como un recursos naturales.
(B. Garcia, photo courtesy of CENRO-Manukan)
