Dos bien “wanted” personas el ya aresta el mga autoridad na separao operacion de aplicacion de ley aqui na ciudad, asegun con el policia local del Miercoles.
El policia local ya nombra con el dos arestao bien wanted personas como canda Joselito Montebon, 42 años el edad y residente de Barangay Bunguiao, y si Aiyub Sanny, 61.
Asegun con el policia, con Montebon ya aresta na Sitio Islamic, Barangay Sangali mientras con Sanny na Zone 5, Barangay Tulungatung del Martes.
Asegun con el policia, si Montebon listao como el numero dos bien wanted na jurisdiccion del Zamboanga City Police Station 3 y si Sanny numero tres na jurisdiccion del Zamboanga City Police Station 9 base na sistema de “E-warrant”.
El policia ya habla, ambos si Montebon y Sanny tiene pendiente orden de aresto por el asunto de rapto sin recomendao piansa que ya dale el un tribunal local del Enero 15, 2024.
(B. Garcia)