El Fuerza Naval ya inicia cambio na liderato del dos barkos bajo el operacion y control del Naval Forces Western Mindanao (NFWM) base na ciudad de Zamboanga.
Asegun con el NFWM del Miercoles, con Comander Noel Joseph Cadigal ya instola como el nuevo comandante del BRP Laurence Narag (PG907) y con Comander Harold Manuel como el nuevo comandante del BRP General Mariano Alvarez (PS176).
Asegun con el NFWM, si Cadigal ya releva con Comander Salvador Bunagan y si Manuel ya releva con Comander Ronel Raciles.
El ceremonia del cambio del mando ya conduci del Martes na club de oficiales del NFWM na Estacion Naval Romulo Espaldon na Barangay Calarian, ciudad de Zamboanga.
Si Commodore Vincent Sibala, el comandante del Littoral Combat Force (LCF) del Philippine Fleet ya encabesa con el ceremonia del cambio de mando que ya atende mga alto funccionarios del Fuerza Naval o otros pa.
Ambos con Bunagan y Raciles ya reconoce con el prestigioso Command at Sea Badge y plaque por el de ila exepcional contributiones na operaciones de seguridad maritima na jurisdiccion del NFWM.
El ceremonia del cambio del mando, un largo tiempo tradicion naval, ta simboliza el liso tranferida de autoridad y responsibilidad, asegurando el continuado exelencia y liderato dentro del Philippine Fleet. (B. Garcia)