Total de 49 gato y perro el ya capa na segundo actividad de capada que ya hace el Oficina de Veterinario del Ciudad, o OCVet, para el año 2025.
El segundo actividad de capada de domesticao animal ya hace del Jueves na OCVet na Sitio Malasiga, Barangay San Roque, ciudad de Zamboanga.
Asegun con el OCVet, importante el capada del mga gato y perro como un manera para controla el numero de domesticao animal.
Asegun con el OCVet, el capada del domesticao animal ta previni tamen enfermedad y ta ayuda con el mga gato y perro vivi largo y saludable vida.
El mga interesao dueño de domesticao animal quien quiere manda capa con el de ila gato y perro puede sila registra na oficina del veterinario na Sitio Malasiga, Barangay San Roque durante el hora de trabajo.
Bajo el programa, el mga dueño del gato y perro responsable proporciona medicacion con el de ila domesticao animal despues del capada. (B. Garcia)