Zamboanga: 2 arestao na campanya contra droga ilegal na Divisoria

0
1

Dos personas el ya aresta el personajes del pulisiya local na campanya contra droga ilegal na Barangay Divisoria, este ciudad.

Si Police Major Wilfredo Palamos, Jr., el hefe del Zamboanga City Police Office’s (ZCPO) Station 4, ya nombra con el dos arestao suspechao como canda Nelvin Paslot, veinte nueve, y si Recar Tubaña, veinte siete años el edad.

Si Palamos ya habla cay con el dos suspechao ya aresta despues que ya vende sila droga ilegal na un secreta del pulis maga alas onse treynta’y dos anoche, Martes, na Zone 5C, Barangay Divisoria, este ciudad.

Asegun con Palamos cay ya puede confisca na posesion del dos suspechao un gramo de suspechao shabu con el valor de seis mil ocho sientos pesos, dos porta monedas and dos sientos pesos markao sen.

El dos arestao suspechao bajo ahora na custodiya de ZCPO Station 4 myentras ta prepara ya maga documentos para el plantada del formal asuntos contra canila dos.

(B. Garcia)

LEAVE A REPLY

Please enter your comment!
Please enter your name here