Daytoy ti impasigurado ni Congressman Sandro Marcos iti umuna a distrito ti probinsia.
Kunana nga imbes a mangipaay ti gobierno iti ayuda kadagiti umili kas idi 2021 ken 2022 ket trabaho laengen I ipangpangrunana nga ipaay.
Inlawlawagna a saan unay dakkel a pundo ti nailatang iti AICS ken TUPAD manipud iti national budget para iti daytoy a tawen.
Dinakamat na saanen a kas iti 2020 ken 2021 a panawen iti covid19 a dakkel ti mailatlatang a pundo a maipaay nga ayuda kadahiti umili.
Nupay kasta, inkari na nga agtultuloy pay laeng iti TUPAD, AICS ken GIP a programa tapno maipaayan iti tulong ken apagaman a pagtrabahuan dagiti awanan ti pagsapulan.
Mamati ni Congressman Sandro Marcos a babaen kadagiti nasao a programa ket adda iti namnama a pangalaan iti pangrugian dagiti umili.
(Cheena Arzadon)
(Source: Provincial Government of Ilocos Norte)