El 1st Marine Brigade del Philippine Marine Corps ya recivi nuevo armamento, que ta fortalece mas el capabilidades militar para asegurando el seguridad y paz del region, asegun con el militar del Jueves.
Asegun con el 6th Infantry Division (6ID), el mga nuevo armamento ya llega del Miercoles na pantalan de Polloc, na municipio de Parang, Maguindanao del Norte.
Ya llega hunto con el mga nuevo armamento el mga miembros de 65th Force Reconnaissance Company.
El mga nuevo armamento ta inclui dos V150, un V300 Fire Support Vehicle (FSV), tres V300 Armored Personnel Carriers (APCs), dos Small Unit Riverine Craft (SURCs), dos 105-milimetro (mm) howitzers, dos 155-mm howitzers, un Kia Light Tactical Vehicle (KLTV) y un Small Unmanned Aircraft System (SUAS).
Asegun con el 6ID, el mga refuerzos esperansao mejora el proficiencia del brigada marina na combinao operaciones de armas y ancha el capabilidad para conduci rapido respuesta y misiones de seguridad. (B. Garcia)